Tacikistan münaqişə zamanı qaçırılan avtomobilləri Qırğızıstana qaytardı

Tacikistan münaqişə zamanı taciklər tərəfindən qaçırılan avtomobilləri Qırğızıstana qaytarıb.

Bu barədə “RİA Novosti” Qırğızıstan Dövlət Sərhəd Xidmətinə istinadla məlumat verib.

Məlumata görə, hazırda Qırğızıstan-Tacikistan sərhədində vəziyyət sabit olaraq xarakterizə olunur.

Xatırladaq ki, aprelin 28-də Qırğızıstan və Tacikistan sərhədində mübahisəli “Qolovnoy” su paylama məntəqəsi ətrafında yerli sakinlər arasında münaqişə baş verib. Hər iki tərəfdəki qarşıdurmalar nəticəsində təxminən 40 nəfər ölüb, 200-dən çox adam yaralanıb. Mayın 1-də Bişkek və Düşənbə Qırğızıstan-Tacikistan sərhədində tam atəşkəs barədə razılığa gəlib.

Qırğızıstanın Tacikistanla silahlı sərhəd qarşıdurmasının baş verdiyi Batken vilayətinə xüsusi status veriləcək.

Источник: az

Рейтинг
( Пока оценок нет )
Yeni Azərbaijcan.